Faahfaahin: Askar lagu dhex dilay magaalada Xarardheere
Sida ay sheegayaan wararka laga helayo degmada Xarardheere ee Koofurta gobolka Mudug, mid kamid ah macawisleyda ciidanka degaanka ayaa dilay laba kale.
Askariga falka geystay iyo kuwa la dilay ayaa dhammaantood ka wada tirsan macawisleyda beesha Sarruur ee Xarardheere.
Si faahfaahsan looma oga sababta keentay dilka, waxaase la soo wariyay in uu rasaas qudha isu marsiiyay labada askari gudaha degmadaasi.
Laamaha amniga ayaa ku raad-jooga ninka falka geystay oo la tilmaamay inuu ka baxsaday magaalada.
Maamulka degmada Xarardheere weli kama uusan hadlin falkani, waxaana horey sidaan oo kale sanadkii hore degmadaasi ka dhacay dilal ay isku geysteen ciidamo ka wada tirsan dowladda federaalka.
GalmudugMirror
Gaalkacyo, Galmudug
