XOG: Deni oo maanta u safraya dalka Imaaraadka+Sababta?
Madaxweynaha dowlad goboleedka Puntland Siciid Cabdullaahi Deni ayaa ku wajahan magaalada Dubai ee dalka Isu-tagga Imaaraatka Carabta.
Warar lagu kalsoon yahay oo uu helay Warsidahan GalmudugMirror ayaa xaqiijinaya in Madaxweyne Deni uu maanta oo Arbaco ah u socdaalayo waddanka Imaaraatiga Carbeed (UAE) isaga oo marka hore sii maraya dalka Itoobiya.
Safarkani ayaa noqonaya kii u horreeyay ee uu dalka kaga baxo tan iyo markii dib loogu doortay xilka madaxweynaha Puntland 8 Jan, 2024.
Sidoo kale safarkiisa ayaa imaanaya xilli ay dhowaan Puntland ka hortimid wax ka beddelkii lagu sameeyay dastuurka Soomaaliya islamarkaana kalsoonidii kala noqotay hay’adaha kale duwan ee dowladda Federaalka.
Si dhab ah looma oga waxa uu daaran yahay safarka madaxweynaha, waxaana laga dhursugayaa in madaxtooyadu ay ka warbixiso kolka uu dib ugu soo gurya noqdo dalka.
GalmudugMirror
Garoowe, Puntland
