Nabadoon caan ah oo si xun loogu dilay magaalada…
Faahfaahin dheeraad ah ayaa ka soo baxaysa dil loo geystay nabadoon caan ka ahaa magaalada Jowhar.
Dilka Nabadoon Xasan Cali Muudey oo oo ay geysteen dableey hubeysan ayaa ka xalay dhacay tuulo hoostagta magaalada Jowhar.
Waxaa lagu soo warramayaa in dableyda ay si arxan darro ah nabadoonka ugu dileen degaanka lagu magacaabo Casir Maal oo hoos yimaada caasimadda Hirshabeelle ee Jowhar.
Maruumka oo aad looga garanayay magaalada Jowhar ayaa kamid ahaa waxgaradka gobolka Shabeellaha Dhexe, waxaana xilliga la dilayay Nabadoonka uu la socday gaari ay kala dageen ragga hubeysan oo kadib xabad ku furay, illaa ay nafta kaga baxdo goobta.
Nabadoon Maxamed Xasan oo kamid ah waxgaradka deegaanka ayaa sheegay in si gaar ah loo beegsaday Marxuumka.
“Dabley hubeysan ayaa dhexda u gashay waa la istaajiyay oo la aqoonsaday soo dag ayaa ka dhahay, kadibna kaligiis ayay wateen, wayna dileen” ayuu yiri Nadoon Maxamed Xasan.
Sidoo kale wuxuu tilmaamay in mid kamid ah dableyda ka dambeysay dilka Nabadoonka gacanta lagu soo dhigay, kuwa kalena lagu raad joogo.
Maamulka Hirshabeelle, kan gobolka Shabeellaha dhexe iyo dowladda hoose ee Jowhar weli kama aysan hadlin dilka loo geystay nabadoon Xasan Cali.
GalmudugMirror
Jowhar, Hirshabeelle
