James Swan oo kulamo siyaasadeed ka billaabay…
Guddoomiyaha Golaha Shacabka ee BJFS Mudane Sheekh Aadan Maxamed Nuur Madoobe ayaa xafiiskiisa ku qaabilay Wakiilka Gaarka ah ee Xoghayaha Guud ee Qaramada Midoobay u qaabilsan arrimaha Soomaaliya Mudane James Swan oo uu wehliyo kuxigeenkiisa.
Kulanka ayaa looga hadlay shaqooyinka Golaha Shacabka, gaar ahaan shuruucda hortabinta u leh iyo arrimaha doorashooyinka, waxaana Ergayga dhankiisa Guddoomiyaha uga warbixiyay shaqooyinka xafiiska Qaramada Midoobay ee Soomaaliya, isaga oo sheegay in ay diyaar u yihiin xoojinta iyo dardargelinta wada shaqeyta xafiiska Qaramada Midoobay iyo Golaha Shacabka ee Baarlamaanka Dalka.
Ugu dambeyn, Guddoomiyaha Golaha Shacabka ee BJFS Mudane Sheekh Aadan Maxamed Nuur Madoobe ayaa uga mahadceliyay Ergayga iyo xafiiska Qaramada Midoobay ee Soomaaliya taageeradooda Soomaaliya, waxaa uuna tilmaamay in Golaha Shacabka kalfadhiga shanaad ee dhowaan furmay horyaalaan shuruuc muhiim u ah dowladnimada Soomaaliya.
Swan, ayaa muddooyinkii dambe waday kulamo siyaasadeed oo xasaasi ah kuwaasoo uu la yeelanayay madaxda dalka iyo masuuliyiin kale oo saameyn ku leh arrimaha siyaasadda.
Galmudugmirror
Muqdisho, Soomaaliya
