Xiisado dagaal oo ka jira Koonfurta gobolka Mudug
Sida ay ku warramayaan wararka laga helayo jiidaha hore ee dagaalka Koonfurta gobolka Mudug waxaa jira dhaqdhaqaaqyo culus oo ay wadaan ciidamada huwanta ah.
Dhaqdhaqaaqyada ciidan ayaa ka soconaya inta u dhaxeysa Wisil iyo Bacaadweyne, waxaana ilwareedyada qaar ay tilmaamayaan in illaa aagga degmada Xarardheere laga dareemayo dhaqdhaqaaqyadani.
Saraakiil ka tirsan xoogagga mujaahidiinta degaanka aagga magaalada Wisil ay u sheegeen Shabakadda GalmudugMirror waxaa jira diyaargarow ay wadaan ciidamada kale duwan.
Ciidamada xoogga dalka, kuwa mujaahidiinta degaanka iyo kuwa daraawiishta dowladda Galmudug ayaa isu diyaarinaya guluf ballaaran oo ay ku doonayaan in kooxda Argagixisada ah looga sifeeyo dhulka hawdka ah ee Koonfurta gobolka Mudug.
Saansaanta colaadeed ayaa laga dareemayaa dhulka baadiyaha ah ee ku teedsan Wisil iyo Bacaadweyne, waxaana meelaha qaar lagu arkayaa gaadiidka ciidamada huwanta ah.
Wixii ka soo kordha dib kala soco halkaan
Gaalkacyo, Galmudug
Shabakadda GalmudugMirror
