Warar kale duwan ayaa ka soo baxaya howlgallo ciidamada Soomaalida ah ay ka wadaan degaanno dhaca koofurta gobolka Mudug.
Ciidamada huwanta ah ayaa wada howlgallo ka dhan ah Alshabaab kuwaasoo ka soconaya degaanno hoostaga magaalada dekadda leh ee Xarardheere.
Degaannada ay howlgallada ka wadaan waxaa kamid ah Dumaaye iyo kuwa kale kuwaasoo hoos yimaada magaaladaasi dhacda xeebta Koofureed ee gobolka Mudug.
Saraakiil ka hadashay shabakaddani GalmudugMirror ayaa xaqiijisay in sidoo kale ciidanku ay howlgallada ka wadaan waddooyinka isku xira degaannada xorta ah si looga feejignaado miinooyinka Shabaabku ku aasaan waddooyinka.
Ciidankani oo isugu jira kuwa xoogga dalka, daraawiishta dowladda Galmudug iyo kuwa mujaahidiinta degaanka ayaa wada howlgalladani ka dhanka ah kooxda gacan saarka la leh argagixisada Alshabaab.
Maalmihii dambe ciidanka huwanta ah ayaa billaabay weerarro gaadma ah oo ay ku beegsanayaan degaannada fara-ku-tiriska ah oo ay maamusho kooxda Alshabaab.
GalmudugMirror
Gaalkacyo, Galmudug
