Ciidanka dib u xorreynta degaanka ee ka howlgala aagga degmada Xarardheere ayaa saakay qaaday howlgallo ay dhowr deegaan uga sifeeyeen maleeshiyaadka Argagixisada ah, si Bulshada looga dulqaado dhagartooda.
Degaanka Galcad-jiimo iyo degaano kale oo hoostaga magaaladan dekadda leh ee Xarardheere ee Gobalka Mudug ayey Ciidanku Kala wareegeen khawaarijta.
Sida saraakiishu u sheegeen shabakaddani GalmudugMirror degaannadani ayaa Alshabaabka u ahaa goobo ay si dhuumaaleysi ah ku tagaan kaddibna ay ka soo abaabulaan weerarrada gaadmada ah.
Cabduqaadir Kadiido oo ka tirsan Saraakiisha hoggaamineysay Ciidanka deegaanka ee maleeshiyada ka sifeeyay deegaanadaasi, ayaa tilmaamay in howlgalada Ciidanka ee ka dhanka ah Nabadiidka ay sii wadi doonaan inta laga ciribtirayo cadowga caadeystay daadinta dhiiga dadka Muslimiinta ah.
Waxaa uu tilmaamay howlgalada ka socda aaga degamada Xarardheere khawaarijta lagu gaarsiiyay jab xoogga horjoogayaal iyo maleeshiyaad kalena lagu dilay.
GalmudugMirror
Gaalkacyo, Galmudug
