Ciidanka DFS oo sameeyay howlgallo ballaadhan
Wararka ka imaanaya ciidanka Xoogga Dalka ayaa howlgal sifeyn ah ka sameeyey degaanno dhaca duleedka Jowhar, Awdheegle iyo Daarusalaam oo ka wda tirsan gobollada Shabeellaha Hoose iyo Shabeellaha Dhexe.
Degaannadan waxaa horay dadka shacabka ah ugu dhibaateyn jiray Khawaarijta sida ay sheegeen saraakiisha ciidamada, Iyadoo Ciidanka ay ka fuliyeen howlgal jab xoogan loogu geystay Argagaxisada.
Afhayeenka Wasaaradda Gaashaandhiga XFS Abuukar Maxamed ayaa Warbaahinta Qaranka u xaqiijiyey inay wali Ciidanka Xooogga dalka ku raad joogaan firxadka xubnihii Khawaarijta ee ku sugnaa deegaanada ay lawareegeen ciidanka.
Ciidamada dowladda federaalka ayaa muddooyinkii dambe howgallo ka waday degaannada gobollada Shabeellooyinka waxaana howlgallada qaar ciidamada xagga cirka ah ka taageerayay diyaaradaha dagaalka.
Xafiiska Muqdisho
Shabakadda GalmudugMirror
