DEGDEG: Kulamo ka socda magaalada Garoowe?
Waxaa magaalada Garoowe ka soconaya kulamo gaar gaar ah oo horudhac u ah shirka madaxda ku kulansan magaaladaasi.
Madaxweyneyeyaal hore sida Shariif Axmed iyo Maxamed Farmaajo ayaa gaaray Garoowe labadii maalin ee la soo dhaafay, iyagoo wada-tashi ugu tegay madaxweynaha Puntland.
Sida uu fahamsan yahay Warsidahan GalmudugMirror, dhinacyadani oo uu mideysay qorshaha wax ka beddalka dastuurka oo ay meel adag iska taageen, ayaa shirkooda ka soo saari doona qodobo xasaasi ah.
Shariif, Farmaajo iyo Deni ayaa shirar gaar ah ku qaadan doona magaalada Garoowe, waxaana ay kaga wada hadli doonaan arrimaha wax ka beddalka qabya-qoraalka ay iminka Soomaaliya ku dhaqanto.
Si dhab ah looma oga qodobada ay ka soo saari doonaan shirkooda waxa ay noqon karaan, haddana waxaa la saadaalinayaa in diidmo qayixan ay kala hor yimaadaan qorshahani oo iminka ay baarlamaanka labadiisa aqal wadaan.
Wixii ka soo kordha halkaan kala soco
GalmudugMirror
Garoowe, Puntland
