Gud cusub ee Hiiraan oo gaaray Baladweyne, isagoo wata…
Guddoomiyaha cusub ee gobolka Hiiraan ee dowlad goboleedka Hirshabeelle Muuse Salaad Muuse Weliye oo safar dhanka dhulka ah uga ambabaxay magaaladani Jowhar ee Caasimadda maamulkaasi ayaa maanta gaaray magaalada Baladweyne ee xarunta gobolka Hiiraan.
Ku dhowaad 20 gaadiidka dagaalka ayaa u galbiyay magaalada Baladweyne isagoo degay hoygiisa ku yaalla magaalada.
Soo dhoweyn ayaa loogu sameeyay gudaha magaalada, waxaana durbadiiba arrintani ka hadlay saraakiisha macawisleyda gobolka Hiiraan, oo iyagu diidan siyaasadda dowlad goboleedka Hirshabeelle.
Waxaa ay sheegeen in arrintaasi oo horey ay awaamiir uga soo saareen in odayaasha dhaqanka ay soo fara-galiyeen si looga baaqsado dagaal kale oo ka dhaca magaalada Baladweyne.
Waxaa inta badan xarumaha dowladda ee Baladweyne ku sugan, ciidamada macawisleyda, oo iyagu horey u diiday in magaalada ay gaaraan masuuliyiinta maamulka Hirshabeelle.
Kulamo kale duwan ayaa ka soconaya magaalada Baladweyne kuwaasoo looga hadlaayo xaaladda nabadgalyo iyo dhaqdhaqaaqyada siyaasadeed ee magaaladaasi.
GalmudugMirror
Jowhar, Hirshabeelle
