Khasaaro iskugu jira dhimasho iyo dhaawac oo ka dhashay dagaal beeleed ka dhacay gobolka Galgaduud……
Ugu yaraan hal qof oo shacab ah ayaa geeriyooday halka 6 kalena ku dhaawacmeen dagaal beeleed galinkii danbe maanta ka qarxay degaanka ina Jiiroow ee hoostaga deegaanka Degmada dhabad ee Gobolka Galgaduud.
Dagaalka oo dhinacyadu isku habeen-sadeen ayaa si iskiis ah u istaagay waxaana uu u dhexeeyaa malesshiyaad kasoo kala jeeda degmada Dhabad iyo Biyo-gaduud ee waqooyiga Galgaduud.
Wararka ay Galmudug mirror ka heleyso deegaanadaas ayaa ku waramaya in uu dagaalka soo gaaray gabal dhacii caawa balse ilaa iyo hada xog dhameystiran lagama helin wallow la sheegayo in markasta oo dagaalkaasi qarxi karo madaama ay wali is hor fadhiyaan dhinacyadii dirirtu dhexmartay.
Colaadaha ka taagan deegaanada Qaar ee gobolkan ayaa lagu soo waramayaa in ay ka danbeeyaan arimo siyaasadeed balse dowlada Galmudug ayaa la tacaaleyso joojinta colaadahaan soo laab laabtay.
