Ku-simaha Ergeyga Gaarka ah ee Qaramada Midoobay ee Soomaaliya James Swan oo maanta gaaray Caasimada Galmudug dhuusmareeb.
Ku-simaha Ergeyga Gaarka ah ee Qaramada Midoobay ee Soomaaliya James Swan ayaa maanta booqasho rasmi ah ku gaaray magaalada dhuusamareeb Caasimada Galmudug,waxaana Qasriga Madaxtooyada Galmudug ku soo dhaweeyay madaweynaha dowlada Galmudug Axmed Cabdi Kaariye Qoor Qoor
Labada masuul ayaa kawada hadalay xaaladaha guud ee dalka gaar ahaan arimaha siyaasada , Amniga , gargaarka baniaadamnimo .
Madaxweynaha ayaa kaga mahadceliyay ergayga qaramada midoobay booqashadiisa Galmudug iyo sida qaramada midoobe ay soomaliya markasta u garab taaganyihiin sidii ay kaga gudbi lahaayeen marxaladaha adag sida duruufaha aminga , Dhaqaale iyo mida gargaarka bani’aadamnimo.
Ku-simaha Ergeyga Gaarka ah ee Qaramada Midoobay ee Soomaaliya James ayaa sioo kale madaxweynaha kaga mahadceliyay sioda diirran ee loogu soo dhaweeyay Galmudug isagoona sheegay in qaramada midoobay ay markasta u garabtaagantahay soomaliya hadii ay ahaan la hayd Xaqiijinta Amniga soomaaliya iyo gargaarka bani’aadamnimo.
