MW Biixi oo cafis u fidiyay boqollaal Maxabiis ah
Madaxweynaha Somaliland, Muuse Biixi Cabdi ayaa digreeto madaxweyne oo xafiiskiisa ka soo baxday waxa uu cafis ugu sameeyay qaar kamid ah Maxaabiista ku xiran xabsiyada Somaliland.
Waxaa uu madaxweynaha cafiska uu sameeyay Maxaabiista dembiyada fudud ku xukuman ee xabsiyada Somaliland ku xiran.
Wareegtada jasoo baxday Madaxweynaha Somaliland ayaa u dhigneyd Sidan:-
Markaan Arkay: Qodobka 90aad Faqraddiisa 5aad ee Dastuurka Somaliland;
Markaan Arkay: Qoraalka Taliska Guud ee Ciidanka Asluubta ee summaddiisu tahay TCA/G-1/09/2024, kuna taariikhaysan 07/01/2024, ujeeddadiisuna tahay Soo-gudbin Liisaska Maxaabiista Cafiska galaya Sannadkan 2024-ka;
Markaan Arkay: Soo-jeedinta Xafiiska Xeer Ilaaliyaha Guud ee summaddiisu tahay XIG/JSL/02/2024, kuna taariikhaysan 07/01/2024;
Markaan La-tashaday: Hay’adaha Ay Khusayso;
Waxaan Go’aamiyey;
In laga bilaabo taariikhda maanta aan Cafis Guud u fidiyo Maxaabiista dembiyada fudud ku xukuman ee xabsiyada ku xiran, oo tiradoodu dhan tahay 413 (Afar Boqol, Saddex iyo Toban) maxbuus.
Cafiskani saamayn kuma laha xuquuqda madaniga ah iyo raadka ciqaabeed ee ka dhalanaya dembiyadda ay ku xukunnaayeen. Waxa cafiskan fulinaya Xafiiska Xeer Ilaaliyaha Guud, iyada oo la raacayo liiska Maxaabiista.
Tallaabadani uu qaaday madaxweyne Muuse Biixi ayaa ku soo aadaysa xilli uu ku jiro muddo xilleedkiisa ugu dambeeyay.
Xafiiska Hargaysa
Shabakadda GalmudugMirror
