Ciidanka Dab demiska magaalada Burco oo habeenimadii xalay soo badbaadiyay Ilmo yar oo lagu riday Musqul Degmada Maxamed Cali ee magaaladaasi.
Arrintani ayay aad uga argagaxeen bulshada ku dhaqan magaalada Burco taasoo hadal-heyn weyn ka abuurtay baraha bulshada.
Ciidanka Dab demiska ayaa ku guuleystay inay ilmahaa yar ka soo samata-bixiyaan Suuliga isagoo nool, waxaana ciidanku isla markiiba gaadhsiiyeen Isbitaalka magaalada Burco.
Dhowr jeer ooh ore dhacdooyin noocan oo kale ah ciidanku caruur kaga soo badbaadiyeen Musqulo lagu riday ama ku dhacay.
Ciidanka Dab demisku wuxuu bulshada ku wacyigelinayaa dadka falalka noocan ee arxandarada ah ka waantoobaan, tallaabo sharciga waafaqsana la marin doono.
Hadii aad la kulanto masiibo dab waxaad soo wacdaa lambarka gurmadka degdega ah ee 990 24 ka saacadood shirkadaha Telesom iyo Somtel.
GalmudugMirror
Burco, Somaliland
